समाचार
हल्दिबारी संवाददाता २ घण्टा अगाडि

पार्टी प्रवेशबारे फैलाइएको भ्रामक प्रचारप्रति रास्वपा झापा सभापति भण्डारीको आपत्ति

विर्तामोड । राष्ट्रिय स्वतन्त्र पार्टी (रास्वपा) झापाका जिल्ला सभापति ओमनाथ भण्डारीले आफ्नो पार्टी प्रवेशका विषयमा सामाजिक सञ्जालमार्फत फैलाइएको भ्रामक र कपोलकल्पित प्रचारप्रति गम्भीर ध्यानाकर्षण भएको जनाउनुभएको छ।

​सभापति भण्डारीले एक विज्ञप्ति जारी गर्दै स्थानीय तहको निर्वाचन नजिकिँदै गर्दा नियोजित रूपमा भ्रम सिर्जना गरी व्यक्तिगत प्रतिष्ठा र पार्टीको छविमा आँच पुर्‍याउने प्रयास भइरहेको बताउनुभएको हो। उहाँले यस्ता गलत तथा भ्रामक सामग्री तत्काल हटाएर अफवाह फैलाउने कार्य रोक्न सम्बन्धित सबै पक्षलाई आग्रह गर्नुभएको छ।

​अन्यथा, यस्ता गतिविधिमा संलग्न व्यक्तिहरूविरुद्ध प्रचलित साइबर अपराधसम्बन्धी कानुनबमोजिम आवश्यक कानुनी प्रक्रिया अघि बढाउन बाध्य हुने चेतावनीसमेत उहाँले दिनुभएको छ। साथै, भण्डारीले यस्ता गलत र भ्रमपूर्ण प्रचारको पछाडि नलागी सत्यतथ्य बुझ्न सम्पूर्ण आमनागरिकमा हार्दिक अनुरोध गर्नुभएको छ।

हल्दिबारी संवाददाता

लेखकका थप सामाग्री (See author's posts)

थप समाचार (More News)