झापा। नेपाल पत्रकार महासंघ झापाका सदस्य एवम् एबी वान टेलिभिजनमा कार्यरत सञ्चारकर्मी विष्णु कुल श्रेष्ठलाई पितृशोक परेको छ। उनका पिता ९९ वर्षीय रामबहादुर श्रेष्ठ (जमुने साइला) को बिहीबार मध्याह्न १२:४५ बजे अर्जुनधारा–२ स्थित आफ्नै निजी निवासमा निधन भएको हो।
पारिवारिक स्रोतका अनुसार मृतक श्रेष्ठका ६ भाइ छोरामध्ये साइला छोरा मोहनको यसअघि नै निधन भइसकेको छ। उनका अन्य छोरा तथा बुहारीहरू नारायण र शान्ति, निर्मल र करुणा, चन्दन र अनु, बुद्ध र सञ्जु, साइली बुहारी निर्मला तथा कान्छा छोरा विष्णु र बुहारी पूजा रहेका छन्। त्यस्तै, उहाँका तीन छोरीहरू पुष्पा, रुकमणि र कौशिला रहेका छन्। स्वर्गीय श्रेष्ठका १४ नातिनातिना, २ पनाति-पनातिनी र १ जना जनाति छन्।
पारिवारिक स्रोतले दिएको जानकारीअनुसार स्वर्गीय श्रेष्ठको पार्थिव शरीरलाई शुक्रबार बिहान १०:३० बजे झापाको कनकाई माई आर्यघाटमा लगेर अन्तिम दाहसंस्कार गरिनेछ।
