काठमाडौँ । बाढीका कारण थुनिएको माथिल्लो त्रिशूली ३ ‘ए’ जलविद्युत् आयोजनाको सुरुङभित्रबाट एक जनाको जीवितै उद्धार गरिएको छ।
उद्धार टोलीले सुरुङभित्रबाट सञ्जय साहको सकुशल उद्धार गरेको हो।
सुरुङभित्र अरू मानिस पनि जीवितै रहेको विवरण प्राप्त भएको राष्ट्रिय स्वतन्त्र पार्टी (रास्वपा) का सांसद एवं इन्जिनियर श्रीराम न्यौपानेले जानकारी दिएका छन्।
यसअघि उद्धार टोलीले सुरुङभित्र रहेकाहरूसँग सम्पर्क स्थापित गरेको र भित्रबाट मानिसहरूको आवाज सुनिएको जनाइएको थियो।
अहिले नेपाली सेना, सशस्त्र प्रहरी र नेपाल प्रहरीको टोली सुरुङभित्र फसेका अन्य व्यक्तिहरूको खोजी तथा उद्धार कार्यमा निरन्तर खटिरहेको छ।
