टीका गणेश – चकचकी , असार २५ । बाह्रदशी गाउँपालिका सामुदायिक विद्यालय शिक्षक कर्मचारी संजालले कोरोना भाइरस रोकथाम तथा उपचार कोषमा ४ लाख १५ हजार ६ सय ६६ रुपैयाँ आर्थिक सहयोग गरेको छ ।
संजालले बैशाख १४ गते १,३४,७१०- रुपैयाँ सहयोग गरेको थियो भने आज असार २५ गते २,८०,९५६- रुपैयाँ सहयोग गरेको थियो ।
आज एक कार्यक्रमको बिच उक्त सहयोग रकम संजालको तर्फबाट शिक्षक महासघ बाह्रदशीका अध्यक्ष कमल चम्लागाईले गाउँपालिका अध्यक्ष खड्ग प्रसाद राजवन्सीलाई गाउँपालिकाको कार्यलयमा हस्तान्तरण गर्नु भएको हो ।
उक्त रकम बाह्रदशी गाउँपालिका क्षेत्रमा रहेका १६ वटा सामुदायिक विद्यालयमा कार्यरत शिक्षक कर्मचारीबाट राहत कोषमा सहयोग पुर्याउन उठाइएको हो । राहत रकम हस्तान्तरण कार्यक्रममा बाह्रदशीमा कृयाशिल अगुवा शिक्षक कर्मचारीहरुको उपस्थिती रहेको थियो ।
