काठमाडौं । नेपालमा कोरोना संक्रमणको दर डर लाग्नेगरी बढेका बेला काठमाडौँ उपत्यकामा १६ सय ८४ जना संक्रमित थपिएका छन् । जसमध्ये आजमात्रै काठमाडौँमा १२९६ जनामा कोरोना संक्रमणको पुष्टि भएको स्वास्थ्य मन्त्रालयले जनाएको छ ।
त्यस्तै भक्तपुर र ललितपुरमा ९५ र २९३ जनामा संक्रमणको पुष्टि भएको छ । त्यस्तै आज देशभर ३४३९ जनामा कोरोना संक्रमणको पुष्टि भएको छ ।
१४२०९ जनामा पिसिआर परिक्षण गरिएकोमा जनामा कोरोना ३४३९ जनामा संक्रमण पुष्टि भएको हो । यो सहित देशभर २५ हजार ७ जना सक्रिय संक्रमित रहेको स्वास्थ्य मन्त्रालयले जनाएको छ ।
मन्त्रालयका अनुसार पछिल्लो २४ घण्टामा ११ सय २६ जना कोरोना संक्रमण मुक्त भएका छन् । यो सहित देशभर ६७ हजार ८६८ जना डिस्चार्ज भएका छन् । नेपालमा कोरोना निको हुने दर ७२ दशमलव ९ प्रतिशत रहेको छ ।
पछिल्ला दिनमा काठमाडौँ उपत्यकामा समुदयमा देखिएको संक्रमण भारतमा भन्दा डरलाग्नेगरी बढीरहेको छ । तर सरकार, प्रशासन, प्रहरी भने भिडभाड र मास्क नलगाउनेहरुलाई पनि निर्धक्क बजारमा हिँड्न दिएर दशैँ मनाउन सुरु गरेको आम नागरिकले महशुस गरिरहेका छन् । जुन कदम एकदमै घातक हो भन्ने थाहा हुँदा हुँदै पनि काठमाडौँलाई खेलाची ठानीएको छ ।
