काठमाडौँ । नेपाल सरकारले पौने २ लाख केजी रक्तचन्दन भारतलाई फिर्ता गर्ने भएको छ । मन्त्रिपरिषदको पुस २८ गते बसेको बैठकले परराष्ट्र मन्त्रालयमार्फत भारतका सम्बन्धित अधिकारीलाई उक्त परिणामको रक्तचन्दन फिर्ता गर्ने निर्णय गरेको हो ।
‘साइटिस सन्धी र संकटापन्ना वन्यजन्तु तथा वनस्पतिको अन्तराष्ट्रिय व्यापार नियन्त्रण ऐन २०७३ को दफा ३० को उपदफा २ र ३ बमोजिम जम्मा एकलाख ७३ हजार एकहत्तर दशमलव सात नौ दुई केजी रक्तचन्दन काठ जेजस्तो अवस्था र स्थानमा छ सोही अवस्था र स्थानबाट आफ्नै खर्चमा ९० दिनभित्र उत्पति मुलुक भारत फिर्ता लैजान स्वीकृति दिएको छ’, मन्त्रिपरिषद बैठकको निर्णयमा भनिएको छ ।
