बिस्णुकुमारी घिमिरे – हल्दिवारी , झापा । नेपाली काङ्ग्रेसका वरिष्ठ नेता पुर्व उपप्रधानमन्त्री कृष्ण प्रसाद सिटौलाले काङ्ग्रेसले जनताका पिर व्यथा लाई हरेक दुख सुखमा साथ दिने भएकोले अविचलित रूपमा काम गर्न आफ्ना कार्यकर्ताहरुलाई आग्रह गरेका छ्न ।
हल्दिवारी गाउँपालिका वडा नम्बर ५ का ५० भन्दा बढी राप्रपाका कार्यकर्तालाई काङ्ग्रेसको सदस्यता बितरण गर्दै नेता सिटौलाले अविचलित भएर काम गर्न आग्रह गरेका हुन ।
सिटौला निवास चन्द्रगढीमा आयोजना गरिएको काङ्ग्रेस प्रवेश कार्यक्रममा ५० भन्दा बढीले राप्रपा परित्याग गरेको जनाएको छ । एक साता अगाडि मात्र ३ दर्जन सक्रिय कार्यकर्ता काङ्ग्रेसमा प्रवेश गरेका थिए ।
शनिबार सिटौला निवासमै पुगेर सिङ्गो गाउँ नै स्थानीय राप्रपाका सक्रिय सदस्य माया राई र प्रकाश राईको नेतृत्वमा काङ्ग्रेस प्रवेश गरेको हल्दिवारी काङ्ग्रेसले जनाएको छ ।
नेपाली काङ्ग्रेसका नेता सिटौलालाई साथ दिदै राप्रपाको ठूलो समूह काङ्ग्रेसमा प्रवेश गर्ने तयारीमा रहेको र छलफल अन्तिम चरणमा पुगेको राप्रपा बाट छलफलमा सरिक एक नेताले बताए । उनका अनुसार हल्दिवारीमा ३ सय ,कचनकवलमा ५ सय ,भद्रपुरमा १ सय तथा बाह्रदशीमा १ सय भन्दा बढी राप्रपा बाट काङ्ग्रेस प्रवेश को अन्तिम चरणमा पुगेको काङ्ग्रेस श्रोतको दावी छ ।
