हल्दिवारी गाउँपालिका वडा नंं. – १ गोल्धापको आयोजनामा वडाबासीको लागि बृहत निःशुल्क स्वास्थ्य शिविरको आयोजना गरिएको छ ।
वडा कार्यालयको आयोजनामा हुने शिविर मंसिर ६ गते नवनिर्मित स्वास्थ्य चौकीको प्राङ्गणमा सम्पन्न गरिने वडाध्यक्ष त्रिलोचन सापकोटाले जानकारी दिए । उनका अनुसार शिविरको सम्पूर्ण तयारी सकिएको छ । शिविरमा नोेवेल मेडिकल कलेज एण्ड रिसर्च सेन्टर विराटनगरले प्राविधिक सहयोग गर्ने सापकोटाको भनाई छ । प्राविधिक सहयोग गर्ने नोवेलले विरामीलाई औषधि समेत निःशुल्क वितरण गर्ने बताइएको छ ।
निःशुल्क स्वास्थ्य शिविरमा जेनेरल तथा मुटु रोग, प्रसुति तथा स्त्री रोग , बाल रोग , शल्यक्रिया, मानसिक तथा नसा रोग, हार्डजोर्नी तथा नसा रोग, छाला तथा यौन रोग, नाक,कान,घाँटी , आँखा परीक्षण तथा उपचार , दन्त सेवा , न्यूरो , भिडियो एक्स–रे , एक्स–रे , इसीजी लगायत उपचार गरिने वडाध्यक्ष सापकोटाले जानकारी दिएका छन् । साभार – इजलास दैनिक
