झापा, झापा गाउँपालिका वडा नं. ५ पन्थापडा बस्ने २० वर्षीय अडसाद अलि बाह्रदशी वडा नं. ३ राजगढबाट चारपानेतर्फ जाँदै गर्दा प्रहरीले लागू औषधसहित नियन्त्रणमा लिएको छ।
जिल्ला प्रहरी कार्यालय झापाका अनुसार आज साँझ ७:२८ बजे विशेष सूचनाको आधारमा खटिएको प्रहरीले उनीसँगको मोसा नं. मे ८ प ८१४० जाँच गर्दा ब्राउन सुगर जस्तो देखिने लिसाईलो पदार्थ सहित पक्राउ गरेको हो।
नियन्त्रणमा लिइएको पदार्थ पाँच थान प्लास्टिक पोका र कुल ६३ ग्राम (०.०२ ग्राम मिलिग्राम सहित) रहेको प्रहरीले जनाएको छ।
लागुऔषध नियन्त्रण व्यूरो काकरभिट्टा र जिल्ला प्रहरी टोलीले संयुक्त रुपमा कार्यवाही गरेको जानकारी दिएको छ। थप अनुसन्धान जारी रहेको जिल्ला प्रहरी कार्यालय झापाले जनाएको छ।
