सोह्र श्राद्ध, जसलाई पितृ पक्ष पनि भनिन्छ, हिन्दू धर्ममा पितृहरुको सम्झना र सम्मान गर्न समर्पित विशेष समय हो। यो आश्विन कृष्ण प्रतिपदादेखि सुरु भई आश्विन शुक्ल प्रतिपदासम्म चल्छ। यस अवधिमा दिवङ्गत पितृहरुलाई तर्पण, सिदादान, र पिण्डदान गरेर श्रद्धा व्यक्त गरिन्छ। धार्मिक मान्यताअनुसार, यस समयमा पितृहरुले आशा राखेका हुन्छन् कि तिनीहरुलाई सम्मानपूर्वक सम्झिइनेछ।
सोह्र श्राद्ध पितृ ऋणबाट मुक्त हुने र आफ्नो धार्मिक दायित्व पूरा गर्ने अवसर मानिन्छ। धर्मशास्त्रका अनुसार, यदि सोह्र श्राद्ध समयमा गर्न सकिएन भने पनि वैकल्पिक दिनहरूमा श्राद्ध गर्न सकिने उल्लेख छ। मुख्यतया श्राद्ध अपराह्नकालमा (दिउँसोको समयमा) गर्नुपर्ने धार्मिक नियम छ, र यो अवधि पितृको तृप्तिका लागि अत्यन्तै महत्त्वपूर्ण मानिन्छ।
धर्मशास्त्रविद्हरूका अनुसार, कुनै कारणवश यो समयमा श्राद्ध गर्न नसकेमा अर्को उचित दिनमा वा कर्मकाण्डीय नियमअनुसार १० महिनासम्म मन्त्र जप गरेर पनि पितृ तृप्त गर्न सकिन्छ। पितृ पक्षको समापनपछि बडा दसैँ अर्थात् दुर्गा पक्ष सुरु हुन्छ, जसलाई ठूला पर्वको रुपमा मनाइन्छ।
