हल्दीबारी, झापा । आगामी टी–२० विश्वकप क्रिकेटका लागि अन्तर्राष्ट्रिय क्रिकेट परिषद् (आईसीसी) ले मंगलबार सार्वजनिक गरेको समूह र तालिका अनुसार नेपाल ‘समूह सी’ मा परेको छ। भारत र श्रीलंकामा आयोजना हुने विश्वकपमा नेपालले इंग्ल्यान्ड, वेस्ट इन्डिज, बंगलादेश र इटालीसँग प्रतिस्पर्धा गर्नेछ।
आईसीसीले सार्वजनिक गरेको विवरणअनुसार समूह ‘ए’ मा भारत, पाकिस्तान, अमेरिका, नेदरल्यान्ड्स र नामिबिया परेका छन्। समूह ‘बी’ मा अष्ट्रेलिया, श्रीलंका, आयरल्यान्ड, जिम्बाब्वे र ओमान छन्। त्यसैगरी समूह ‘डी’ मा न्युजिल्यान्ड, दक्षिण अफ्रिका, अफगानिस्तान, क्यानडा र युएई रहेका छन्।
नेपालले समूह चरणका सबै खेल मुम्बईमा खेल्नेछ। तालिका अनुसार नेपालको पहिलो खेल आगामी फेब्रुअरी ८ मा इंग्ल्यान्डसँग हुनेछ। दोस्रो खेल फेब्रुअरी १२ मा इटालीविरुद्ध, तेस्रो खेल फेब्रुअरी १५ मा वेस्ट इन्डिजविरुद्ध र अन्तिम खेल फेब्रुअरी १७ मा बंगलादेशसँग हुने तय भएको छ।
यस पटक नेपालले ऐतिहासिक प्रदर्शन गर्दै प्रतिस्पर्धी टोलिहरूसँग बलियो चुनौती पेश गर्ने अपेक्षा गरिएको छ।
