झापा । राजनीतिक विश्लेषक भरत दाहाल मोरङको बेलबारीबाट पक्राउ परेका छन् । नेपाल प्रहरीको साइबर ब्युरोमा परेको उजुरीका आधारमा उनलाई जिल्ला प्रहरी कार्यालय मोरङले नियन्त्रणमा लिएको हो ।
मोरङका प्रहरी प्रमुख एसपी कवित कटुवालका अनुसार काठमाडौँ जिल्ला अदालतबाट पक्राउ अनुमति लिएर साइबर ब्युरोको अनुरोधमा दाहाललाई नियन्त्रणमा लिइएको हो ।
एक कार्यक्रममा सहभागी हुन मोरङ पुगेका दाहाललाई आवश्यक कारबाहीका लागि काठमाडौँ पठाउने तयारी भइरहेको प्रहरीले जनाएको छ ।
