हातमा फूल लिएर
आशिर्वाद लिन आतुर
मेरा प्रिय मनहरु
आज तिमीहरूको
अनुहारमा धेरै
खुसी छाउनुको
कारण पनि
मलाई थाहा छ
किन कि आज
गुरु पूर्णिमा हो
सबैलाई शुभकामना
स्वागतार्थ आफ्नो
कोठा सजाएर
खुसी भएका
मेरा प्यारा
भाइ बहिनीहरु
बस्न बाध्य छौ
आज घरमा
बुझेकी छु मैले
तिमीहरूको निराशा
समय परिस्थितिसँगै
जुध्नु पर्ने हुन्छ
काँडाको बिचमा पनि
फुल्नु पर्ने हुन्छ
सचेत भएर
सुरक्षित बसौ
फिर्नेछन् फेरि
खुसीका दिनहरु
बल्नेछन् आशाका
दियोहरु
गुरु पूर्णिमाको
शुभकामना
