कविता: “थेत्तरा सपनाहरु”

कविता: “थेत्तरा सपनाहरु”

सपनाहरु थेत्तरा छन्
र त दोहोरि रहन्छन्।
चाहानाहरु लाज पचेका हुन्छन्
र त नाङ्गो चटकी देखाउछन्।
उमङ्गहरु झन् भुस तिघ्रे छन्
र त कहिले थाक्दैनन्।
अनि,
जिबनहरु बग्रेल्ति उम्रिन्छन्
र त सखाप कहिले हुदैनन्।
हो!
शक्तिले रुप बदलिए जस्तै
कहिले उ शीत निद्रा बाच्छ,
संहारी खहरे खोला बन्छ,
हिमाल भै चुचुरो सजाउँछ,
पोखरी मा बन्द जीवन रमाउछ,
सागर भै समाधिमा लिन हुन्छ
या बाष्पमय चोला ओड्दै
पुनर जन्मको चक्र दोहोर्याउछ।