हल्दिबारी । हल्दिबारी गाउँपालिका–२ निवासी सुरेश महत्तो तथा सुनिता महत्तोका कान्छा छोरा १७ वर्षीय बिक्की महत्तो हाल मिर्गौला रोगसँग संघर्ष गरिरहेका छन्। लक्ष्मी माध्यमिक विद्यालयमा कक्षा ११ मा अध्ययनरत बिक्कीलाई केही समयअघि मिर्गौला रोग लागेको पुष्टि भएको हो।
डाक्टरका अनुसार उनको जीवन बचाउन मिर्गौला प्रत्यारोपण नै अन्तिम विकल्प हो। तर, आर्थिक अभावका कारण उपचार अघि बढाउन नसकेको उनका अभिभावकले बताएका छन्। हालसम्म दैनिक डायलासिस, औषधोपचार र अस्पताल खर्चमै लाखौँ रुपैयाँ खर्च भइसकेको र थप उपचारका लागि रकम अभाव भएको विक्कीका बुबा सुरेश महत्तोले पीडा व्यक्त गरे।
जीवनरक्षाका लागि सहयोग गर्न इच्छुक शुभेच्छुकलाई सिटिजन्स बैंकमा आमा sunita mahato को नाममा रहेको खाता नम्बर 0630100005604041 Haldibari branch मा सहयोग रकम जम्मा गरिदिन परिवारले अपिल गरेको छ।
