जलथल ,झापा : १२ मङ्सिर । हल्दिवारी गाउँपालिकामा आज थप एक जनामा कोरोना संक्रमण देखिएको स्वास्थ्य शाखाले पुष्टि गरेको छ । हल्दिवारी ३ कि एक महिलालाई कोरोना पोजेटिभ देखिएको स्वास्थ्य शाखा प्रमुख पुष्कर निरौलाले बताउनु भएको छ।
बिएण्सी अस्पतालमा उपचाररत ती महिलाको पिसिआर रिपोर्ट पोजेटिभ देखिएको निरौलाले बताउनु भयो । हल्दिवारी स्वास्थ्य शाखा प्रमुख निरौलाले दिएको जानकारी अनुसार हाल ५ जना अस्पतालमा उपचार गराईरहेका छ्न भने ८ जना होम आइसोलेसनमा रहेका छ्न ।
उनिहरु सबैको स्वास्थ अवस्था सामान्य रहेको छ । हाल सम्म हल्दिवारीमा कोरोना पोजेटिभ देखिएको संख्या ५३ पुगेको छ भने २ जनाको कोरोना संक्रमणका कारण मृत्यु भएको छ।
आजमात्र ३० जनाको पिसिआर टेस्ट गरिएको छ भने हाल सम्म ११५० जनाको पिसिआर गरिएको छ ।
