जलथल । झापाको हल्दिवारी गाउँपालिकामा सामुहिक रूपमा जनैपूणिर्मा मनाईएको छ । वैदिक सनातन सस्कार उत्थान समितिको आयोजनामा आज हल्दिवारी ३ मा रहेको स्वर्गद्वारी शिव मन्दिर स्थित देउनिया खोलामा भेला भएर सामुहिक रूपमा जनै लगाउने पर्वलाई मनाईएको हो ।
बिगत २०७३ साल देखि जनैपूणिर्माको दिन उक्त स्थानमा भेला भएर परापुर्व कालदेखि मान्दै आएको जनैपूणिर्मा तथा रक्षा वन्धन कार्यक्रम मनाउन शुरु गरिएको उत्थान समितिका अध्यक्ष प. सोमनाथ सुबेदीले बताउनु भयो ।
पुरुष हरुले महान चाडका रूपमा मनाउने गरिएको जनैपूणिर्मा लाई व्यापक रूपमा सबै हिन्दु हरुको साझा पर्वको रूपमा मनाउन उत्थान समितिले काम गरि रहेको समितिका सदस्य जय प्रसाद पोखरेलले बताए ।
