बिसंगति कविता
बत्तलेर पानी .. खाए ना हबाए,
मोर गे .. घेग बार्हिचे?
घेगे बार्हिए .. ना कि गे आई
परदेश जाबार .. डेग बार्हिचे ।।
आबुझाते नि बुझ्नु .. गे आई,
तहरे ना उलाँ .. काथा ?
जुग-जामानार सँगे .. लहसिए ना
यिड् मोर .. रोग लागिचे ।।
तुई नाँधिए खिलालो .. घरेर भात,
मुई सिक्नु खाबा .. दारु-पानी?
महके बिग्रुवार ताने .. ना कि हबाए
बाहिरा तिर .. लोक आसिचे ।।
लोकक देखिए .. चलानु मटर-गाडी
जुटामु केङ्करे .. खर्चा-पानी?
घरसे निक्लिले .. महँगा चार्हबिति,
ना खर्चार .. जोग बार्हिचे ।।
छिरिर-बिरिर हईचे .. मनेर मनसुवाला
टाँका बेगरे .. करेचे झुलामुला?
माथा ठेङ् .. हातलाक धरिए छेच्कारी
ना पिठित .. बेग चर्हिचे ।।
नि मिल्चे देशत .. जागीर-साँगीर
पढाए बेनालो गे .. आई बेकार ?
लक्ष्य लिछु अैलाते .. बेटाछुवा बनुवार
यैडए त जीवनेर .. शोक बार्हिचे ।।
याे खबर पढेर तपाईलाई कस्ताे महसुस भयाे?
+1
+1
+1
+1
+1
+1
