राजवंशी भाषिक कविता “कुशी लदीर धार”

कविता “कुशी लदीर धार”

कुशी लदीर .. धाँर फाँटिल,
हामार .. जाती ते ।
घर साँनाबे .. ना ऐग्ना साँनाबे,
कैजान,लाथखुरा .. काँती ते ??

मँट्मँट् लोकेर .. कुर्सी आर मराँ
गरीब बठे .. फाँटी ते ।
बिचते काँदुवाली .. माटी ढुकिल
ना ऐग्ना-घरेर .. टाँटी ते ??

चाँटाङ् गिँदाला .. हुशेल खेलाबे
लादाङ्ग आर .. लाठी ते।
रहबे नाँ नी .. देखाँल् पातारीला
कैजान,बाँसेर .. झाँटी ते ।।

माँच माँराअ त .. माँच माँरुवाअ पारे
आँन्धार .. राती ते ।
छिँच्यान्दीर लाखा .. बोए उठ्बेना,
कैजान,सुक्टार .. हाँटी ते ।।

माँअ साजाँल् .. संस्कृति परम्पराला
कुर्हाए जराल् .. ढाँकी ते ।
ढाँल्-पेटानीत .. गाँहाना-गुरीया लागाए
काँनेर सँनार .. चाँकी ते ।।

भाषा धर्मलाअ् .. घुने खाँबे ना
कैजान,बाँध्नीर .. खाँटी ते ।
रहबे नाँनी स्वभाव .. हामार जातेर
कैजान,एईखान .. माटी ते ??