राजवंशी भाषिक कविता : “तीन माँथीयार भाषा”
हाराए गेले घरेर ..पईच-पैचाती
निदाए गिछे .. हामार गुतिया।
मुई जाते भाषार .. मुर्दार बन्नु
हामार जाते होल .. तीन मुथीया।।
घरेर टाँटी हचे .. ढोए-ढोए काँना
हुवारीते चँहटाए ..बाहिरा खेटीयाला।
रात-भर पुहाए .. फेर,दिन त काटेचु
हामार ताँम्सा देखेचे ..जातेर संस्थाला।।
तिन-घर मिल्ले .. केङ्ती हबे बस्ती
हुप-भर्सार आगुवान्ते ..आगाँए लाठीयाला।
छिन्न भिन्नते मेलमिलापेर .. निछे उँला दिन
तुईमुई ते कि सिर्जिबे? .. हामार जातीयाला।।
माहुतीया रासबिस .. कुर्हाचे आफ्नार बस्ती
फुलफुल काप्रात .. बेराचे नाकि बथुवाला।
मायेर कुखेर हामार .. एके छे संस्कृति
काँहे गर्हाए पिन्हाबे ..हामाक संस्कारेर नथुवाला ।।
जाहाँक गँछिए दिछे .. श्री-बिधान
लोभेर रासबिस गर्हाचे .. ना सँनार चाँकियाला।
रहबे ना हामार भाषा .. ना हामार धर्म
कुन पहिचाने आगाँबे .. तीन भाषार जातीयाला??
