देवेन्द्रकिशोर ढुंगाना झापा। बीपी कोइराला स्वास्थ्य विज्ञान प्रतिष्ठान धरानमा १२ जना मध्ये एनआइसियुका एक जना नर्स, सेन्ट्रल ल्याबको वायोक्यामेस्टिमा कार्यरत एक जना ४६ वर्षीय प्राविधिक, उनको १८ वर्षीय छोरा र १३ बर्षीया छोरी, अर्को २४ बर्षीया नर्स, प्रतिष्ठानको सर्जरी वार्डको हेल्परका ४१ बर्षीया श्रीमती गरी ६ जना छन् ।
यस्तै, प्रतिष्ठानको इ एरियामा आइसोलेट गरेर राखिएका एक बिरामीमा पनि कोरोना पोजेटिभ रिपोर्ट आएको छ । यसै गरी गाइनो वार्डमा पनि आइसोलेट गरेर राखिएको एक बिरामीमा पनि सङ्क्रमण पुष्टि भएको छ ।
सङ्क्रमण पुष्टि भएका बिरामीको कनट्र्याक्ट ट्रेसिङको क्रममा स्वाब लिइएका ४ जना कुरुवाको पनि पिसिआर रिपोर्ट पोजेटिभ आएको छ । यसअघि गाइनो वार्डमा २ जना महिलाको पिसिआर रिपोर्ट पोजेटिभ आएकोमा उनीहरूका ७ जना कुरुवाको स्वाब लिएर परीक्षण गरिएकोमा ४ जनाको रिपोर्ट पोजेटिभ आएको हो ।
